Wedi dechrau sigledig ar ddiwrnod cyntaf rownd derfynol Pencampwriaeth Snwcer y Byd ddydd Sul, mae angen i'r Cymro Jak Jones ennill tir yn erbyn Kyren Wilson ar ail ddiwrnod y chwarae ddydd Llun. 

Pan ddaeth y chwarae i ben nos Sul, roedd Kyren Wilson o Loegr ar y blaen o 11-6.

Wedi sesiwn gynta'r dydd, roedd Wilson ar y blaen o 7-1,  ond llwyddodd Jones i ennill pump o'r naw ffrâm yn ystod sesiwn yr hwyr.

Bydd y rownd derfynol yn parhau am 13:00 ddydd Llun. 

Y cyntaf i gyrraedd 18 ffrâm fydd yn cael ei goroni'n bencampwr y byd.

Llun: WST