Bydd Cymru yn dechrau ar y gwaith o baratoi ar gyfer pencampwriaeth Cynghrair y Cenhedloedd UEFA, yn ogystal â rownd ragbrofol Cwpan y Byd FIFA 2026 yn yr Algarve yr haf yma. 

Fe fydd dynion Rob Page yn wynebu Gibraltar mewn gêm gyfeillgar yn Estádio Algarve ym Mhortiwgal ar 6 Mehefin. 

Dyma fydd y tro cyntaf i’r timau wynebu ei gilydd ers buddugoliaeth Cymru 4-0 ar Y Cae Ras yn Wrecsam fis Hydref diwethaf. 

Bydd y crysau cochion yn gobeithio am fuddugoliaeth arall eleni, gyda’r rheolwr Rob Page yn trin y gêm fel dechrau paratoadau Cymru ar gyfer ymgyrch Cynghrair y Cenhedloedd UEFA ym mis Medi, pan fydd Cymru yn wynebu Gwlad yr Iâ, Montenegro, a Thwrci. 

Wedi’r gêm yn Estádio Algarve, bydd Cymru'n teithio i Trnava i wynebu Slofacia yn Stadiwm Anton Malatinkský ar 9 Mehefin. 

Mae disgwyl i Gymdeithas Bêl-droed Cymru gadarnhau gwybodaeth am docynnau ar gyfer y ddwy gêm maes o law. 

Llun: Asiantaeth Huw Evans