Mae’r heddlu wedi dweud ddydd Sul bod llyncdwll wedi agor ar ffordd y tu allan i ysgol yn Aberystwyth.

Mae’r llyncdwll ar Ffordd Waunfawr y tu allan i Ysgol Penglais, medden nhw.

Dywedodd Heddlu Dyfed-Powys bod y gwasanaethau brys yn y fan a’r lle.

Maen nhw wedi gofyn i bobl osgoi’r ardal.

Bydd Ysgol Penglais yn ail-agor ar ôl Gwyliau'r Pasg ddydd Mawrth.

Llun gan Tracy Tedaldi.