Mae bachgen pump oed wedi marw yn yr ysbyty ar ôl cael ei ddarganfod yn Afon Tafwys yn Llundain.

Cafodd apêl gan yr heddlu ei lansio i ddod o hyd i Daniel Alaby ddydd Gwener. 

Roedd wedi mynd ar goll o'i gartref yn Thamesmead, de-ddwyrain Llundain.

Am 18.23 daeth swyddogion oedd yn chwilio am Daniel o hyd i blentyn yn yr afon, meddai Heddlu Llundain.

Fe wnaeth swyddogion yr heddlu weinyddu CPR cyn i barafeddygon gyrraedd.

Cafodd y plentyn ei gludo i’r ysbyty lle cyhoeddwyd yn ddiweddarach ei fod wedi marw, ychwanegodd y llu.

Mae teulu Daniel wedi cael gwybod ac yn cael eu cefnogi gan yr heddlu.

Nid oes tystiolaeth i awgrymu bod unrhyw berson arall yn gysylltiedig, meddai Heddlu'r Met.