Mae bachgen 12 oed wedi cael ei arestio wedi i ferch yn ei harddegau cael ei thrywanu yng Nghaint. 

Cafodd y bachgen ei arestio ar amheuaeth o anafu gyda’r bwriad o achosi niwed corfforol difrifol. 

Fe gafodd Heddlu Caint eu galw i’r digwyddiad yn ardal Sittingbourne am oddeutu 15.55 ddydd Gwener. 

Roedd y ferch wedi cael ei chludo i ysbyty yn Llundain wedi’r ymosodiad er mwyn derbyn triniaeth am ei hanafiadau oedd yn “gyson â chlwyf trywanu.”

Mae’n parhau yn yr ysbyty mewn cyflwr “sefydlog,” meddai Heddlu Caint. 

Mae’r heddlu bellach yn apelio am lygad dystion gan annog unrhyw un gyda rhagor o wybodaeth, neu unrhyw un sydd â delweddau CCTV neu fideo, i gysylltu ar unwaith.