Mae dyn wedi’i arestio ar ôl i'w gerbyd daro giatiau Palas Buckingham.

Arestiodd swyddogion arfog y dyn ar amheuaeth o ddifrod troseddol ac fe gafodd ei gludo i’r ysbyty, meddai Heddlu'r Met.

Ar ôl cael ei asesu, cafodd y dyn ei gadw dan y Ddeddf Iechyd Meddwl. 

Mae wedi cael ei ryddhau ar fechnïaeth, meddai’r llu.

Dywedodd Scotland Yard fod ei gar wedi “gwrthdaro giatiau” y palas brenhinol am 02.30 fore ddydd Sadwrn.

Doedd dim adroddiadau am unrhyw anafiadau, meddai llefarydd ar ran yr heddlu, gan ychwanegu bod ymholiadau’n parhau i sefydlu amgylchiadau’r digwyddiad.

Dywedodd llefarydd ar ran Heddlu’r Met: “Am tua 2.35am ddydd Sadwrn Mawrth 9, bu car mewn gwrthdrawiad â gatiau Palas Buckingham.

“Arestiodd swyddogion arfog ddyn yn y fan a’r lle ar amheuaeth o ddifrod troseddol.

“Cafodd ei gludo i’r ysbyty lle, yn dilyn asesiad, cafodd ei rgadw dan y Ddeddf Iechyd Meddwl.

“Mae wedi cael ei ryddhau ar fechnïaeth ac mae ymholiadau’n parhau.

“Nid yw’r mater yn cael ei drin fel un sy’n ymwneud â therfysgaeth.”

Llun: PA