Llwyddodd Joshua i reoli'r ornes o'r cychwyn, a wedi dau funud o'r rownd gyntaf fe lwyddodd i lanio dwrn dde gan arwain at Ngannou yn disgyn i'r llawr.

 

Fe wnaeth Ngannou godi ar ei draed ar gyfer eiliadau olaf y rownd honno, gan chwilio am achubiaeth a seibiant wrth i'r gloch ganu.

 

Ond byr iawn oedd ei ryddhad, ac yn yr ail rownd aeth Joshua ati i selio'i fuddugoliaeth.

 

Gyda 50 eiliad yn weddill yn yr ail rownd, unwaith eto fe darodd Joshua Ngannou gyda choblyn o ddwrn dde, gan ei dilyn gyda dwrn o'r chwith.

 

Fe ddisgynodd Ngannou i'r llawr am yr eildro, cyn codi'n simsan ar ei draed.

 

Dechreuodd y dyfarnwr gyfrif, cyn i Ngannou lusgo ei hun i gyfeiriad Joshua.

 

Doedd dim dianc i Ngannou  - gyda Joshua'n taro dwrn olaf y noson gan achosi Ngannou i ddisgyn yn anymwybodol ar y llawr.

 

Cafodd gymorth meddygol cyn codi ar ei draed i longyfarch ei wrthwynebydd buddugol.

 

Er mai byr oedd yr ornest ar y noson, fe fydd yn dod â rhywfaint o sefydlogrwydd yn ôl i'r gamp, gyda Joshua'n llwyddo i guro dyn oedd o'r blaen wedi dod i amlygrwydd drwy ymladd MMA yn hytrach na bocsio.