Mae dyn o Wrecsam wedi’i gyhuddo o geisio cipio gwalch marth mewn trap cawell.

Cafodd y dyn 47 oed o ardal Wrecsam ei gyhuddo o ddefnyddio trap i ladd neu gymryd aderyn gwyllt ac o fod ag eitem yn ei feddiant y gellid ei ddefnyddio i ladd neu gymryd aderyn gwyllt.

Mae disgwyl iddo ymddangos gerbron Llys Ynadon Wrecsam ddydd Iau, 28 Mawrth.

Mae cymryd aderyn sydd wedi ei gofrestru fel aderyn 'atodlen 1', fel y gwalch marth yn drosedd o dan Ddeddf Bywyd Gwyllt a Chefn Gwlad 1981.

Dywedodd Heddlu Gogledd y byddai tîm troseddau gwledig Heddlu Gogledd Cymru yn mynd ar ôl unrhyw un sy'n targedu bywyd gwyllt.

Llun: RSPB