Mae bachgen wyth oed yn yr ysbyty ar ôl cael ei frathu yn ei ben gan gi XL Bully. 

Digwyddodd yr ymosodiad ger fflatiau yn Bootle yn Lerpwl am 17:20 ddydd Sadwrn.

Cafodd ei gludo i'r ysbyty ac mae'n parhau mewn cyflwr difrifol ond sefydlog. 

Mae dynes 49 oed a dyn 30 oed, sydd ddim yn perthyn i'r plentyn, wedi cael eu harestio ac mae'r heddlu wedi cymryd y ci. 

Cafodd y ddau eu harestio ar amheuaeth o fod yn gyfrifol am gi oedd allan o reolaeth ac am achosi anaf. 

Dywedodd y Ditectif Arolygydd Gary Stratton o Heddlu Glannau'r Mersi: "Hoffwn dawelu meddwl y cyhoedd fod y bachgen yn derbyn y  driniaeth a'r gofal gofal gorau posib am ei anafiadau, sy'n cael eu disgrifio fel rhai a fydd yn newid bywyd."

Mae rheolau newydd ar gyfer bod yn berchen ar gŵn XL Bully wedi dod i rym yn ddiweddar yng Nghymru a Lloegr.

Cyhoeddodd Llywodraeth y DU ei fod yn drosedd i fod yn berchen ar XL Bully o 1 Chwefror oni bai bod gan berchnogion yng Nghymru a Lloegr ffurflen sy'n eu heithrio.