Mae dyn yn ei 30au yn yr ysbyty gydag anafiadau difrifol ar ôl gwrthdrwiad ffordd ar Ynys Môn ddydd Iau. 

Cafodd Heddlu Gogledd Cymru eu galw am 17:36 wedi adroddiadau o wrthdrawiad un cerbyd ar Ffordd Minffordd ger Caergeiliog. 

Cafodd y dyn ei gludo mewn hofrennydd i Ysbyty Aintree yn Lerpwl ar ôl cael ei ddarganfod gan aelodau'r cyhoedd wedi iddo syrthio oddi ar ei feic modur BMW. 

Mae swyddogion yn apelio am dystion a allai fod wedi gallu gweld y gwrthdrawiad neu'r beic modur yn teithio ar hyd Ffordd Minffordd.

Maent yn annog aelodau'r cyhoedd i gysylltu gyda nhw gan ddefnyddio'r cyfeirnod Q015469.