Fe fydd Cwis Bob Dydd yn dychwelyd am dymor arall ddydd Llun.

Dyma'r trydydd tymor, wedi dau dymor llwyddiannus iawn a welodd miloedd o bobl ar draws Cymru yn mynd benben yn erbyn ei gilydd yn ddyddiol i geisio  ateb deg cwestiwn.

Y nôd yw ateb y deg cwestiwn bob dydd i gyd yn gywir, mor gyflym â phosib, er mwyn cyrraedd brig y sgorfwrdd.

Inline Tweet: https://twitter.com/CwisBobDyddS4C/status/1749770560794435718?s=20

Mae'r sgôr yn gyfuniad o'r atebion cywir a pha mor gyflym mae'r cystadleuydd wedi eu hateb, ac mae'r cwestiynau'n wahanol i bawb.

Bob tro mae rhywun yn cystadlu ar y cwis, maen nhw'n derbyn tocyn am gyfle i ennill prif wobr y tymor. 

Michaela Carrington enillodd prif wobr y cwis y tymor diwethaf. 

Fe enillodd Ms Carrington ddefnydd o gar melyn Cwis Bob Dydd am flwyddyn. 

Inline Tweet: https://twitter.com/CwisBobDyddS4C/status/1724101504364061090?s=20

Roedd cyfanswm o 15,027 o chwaraewyr y tymor diwethaf, gyda  847,009 o gemau yn cael eu chwarae. 

O gynnwys  y tymor cyntaf hefyd, mae 1,050,000 o gemau Cwis Bob Dydd wedi cael eu chwarae hyd yma.