Mae rhybudd melyn am wynt yn parhau mewn grym ar gyfer rhannau helaeth o dde Cymru. 

Bydd y rhybudd melyn am wyntoedd cryfion mewn grym o 10.00 bore Sul tan 23.59 nos Sul. 

Yn ôl y Swyddfa Dywydd, mae disgwyl y gwyntoedd mwyaf cryf ger arfordiroedd y de orllewin, gyda chryfder o tua 65-75mya. 

Fe allai’r tywydd achosi oedi ar wasanaethau trên a bws, gyda disgwyl i deithiau gymryd mwy o amser.

Mae’n debygol y bydd tonnau mawr ar rai llwybrau arfordirol a glannau’r môr. 

Fe fydd y rhybudd mewn grym yn y siroedd canlynol: 

- Pen y bont 

- Caerffili 

- Caerdydd 

- Sir Gaerfyrddin 

- Ceredigion 

- Sir Fynwy 

- Castell-nedd Port Talbot 

- Casnewydd 

- Sir Benfro 

- Rhondda Cynon Taf 

- Abertawe 

- Bro Morgannwg

Inline Tweet: https://twitter.com/NatResWales/status/1741219302202638367

Mae rhybudd llifogydd coch ar gyfer yr Afon Ritec yn Ninbych y Pysgod a hefyd yr Afon Tywi yn parhau mewn grym.

Yn ôl Cyfoeth Naturiol Cymru mae disgwyl llifogydd i effeithio ar eiddo ynysig rhwng Llandeilo ac Abergwili.

Image

Daw hyn yn dilyn glaw trwm mewn rhannau nos Sadwrn.

Mae hefyd rhybudd llifogydd melyn ‘byddwch yn barod’ ar gyfer 12 o ddalgylchoedd afon eraill.