Teyrnged teulu i ddyn o Gaerfilli fu farw mewn gwrthdrawiad
Mae teulu dyn o ardal Caerffili fu farw yn dilyn gwrthdrawiad ffordd wedi rhoi teyrnged iddo.
Bu farw Matthew Theophilus yn dilyn gwrthdrawiad a ddigwyddodd ar yr A4058 yn Nhrehafod, tua 22:00 ddydd Sul 3 Rhagfyr.
Roedd y gwrthdrawiad yn ymwneud â thri cherbyd, BMW gwyn, Vauxhall Zafira glas a Hyundai gwyn.
Dywedodd teulu Matthew Theophilus bod ei farwolaeth wedi “gadael gwacter na fydd byth yn cael ei lenwi”.
“Roedd yn ddyn a oedd yn llawn bywyd a chariad at ei deulu,” medden nhw.
“Roedd yn dad ymroddedig i’w ferch dair oed Shaya a oedd yn dywysoges iddo.
“Roedd Matthew yn fab ffyddlon i Neil a Vicky ac yn frawd i Gareth a Gemma.
“Bydd ein hatgofion o Matthew yn para am oes a bydd Matthew yn byw ymlaen ym mywyd ei ferch werthfawr.
"Hoffem fel teulu ddiolch i bawb sydd wedi anfon negeseuon o gefnogaeth ac rydym yn awr yn gofyn am amser i alaru gyda’n gilydd fel teulu.”
Mae Heddlu De Cymru yn parhau i ymchwilio i'r gwrthdrawiad ac yn chwilio am unrhyw un a allai fod wedi bod yn dyst i’r gwrthdrawiad neu a allai fod ag unrhyw luniau camera dashfwrdd neu deledu cylch cyfyng o’r digwyddiad neu’r dull o yrru cyn y gwrthdrawiad.
Maen nhw'n annog i unrhyw un sydd â gwybodaeth i gysylltu drwy ddyfynnu'r cyfeirnod 2300411311.
Llun: Heddlu De Cymru