Mae rhybudd melyn am eira a rhew i rannau o Gymru ddydd Sadwrn a dydd Sul.

Bydd y rhybudd mewn grym rhwng 18:00 ddydd Sadwrn ac yn parhau tan 12:00 ddydd Sul. 

Mae disgwyl y bydd y ffyrdd a rheilffyrdd yn cael eu heffeithio a phosibilrwydd y gallai pobl gael eu hanafu yn sgil y rhew. 

Dywedodd llefarydd ar ran y Swyddfa Dywydd y bydd glaw, eirlaw ac eira ledu ar draws y gogledd a’r dwyrain yn hwyrach nos Sadwrn ac i mewn i oriau mân fore dydd Sul.

Dywedodd y Swyddfa Dywydd fe fydd rhai ardaloedd yn cael tua 103 centimedr o eira gyda rhwng 5-10 centimedr yn bosib ar y mynyddoedd.

Dyma'r siroedd sydd wedi eu cynnwys yn y rhybudd melyn am eira a rhew:

• Conwy
• Dinbych
• Y Fflint
• Gwynedd
• Merthyr Tudful
• Sir Fynwy
• Powys
• Rhondda Cynon Taf
• Wrecsam

Dywedodd heddlu Gogledd Cymru brynhawn dydd Sadwrn fod ffordd yr A470 rhwng Llechwedd ym Mlaenau Ffestiniog tuag at Fwlch Crimea wedi cau oherwydd y tywydd garw.