Robert Francis Prevost yw'r Pab newydd ac arweinydd newydd yr Eglwys Gatholig. 

Fe fydd yn cael ei gyfeirio ato fel y Pab Leo XIV . 

Y Pab Leo XIV ydy'r dyn cyntaf o ogledd America i gael ei ethol yn arweinydd yr Eglwys Gatholig.

Ymddangosodd ar falconi Basilica San Pedr ychydig wedi awr ar ôl i fwg gwyn godi o simnai Capel Sistina brynhawn Mercher i nodi fod Pab newydd wedi'i ethol. 

Mae'r Pab Leo XIV yn dod o Chicago yn UDA ac mae'n 69 oed. 

Brynhawn Mercher, fe wnaeth mwg gwyn godi o simnai Capel Sistina yn ninas y Fatican gan gyhoeddi bod y Cardinaliaid yno wedi dewis Pab newydd.

Roedd gorfoledd yn y dorf wrth i glychau gael eu canu i gadarnhau'r newyddion. 

Fe ddechreuodd 133 o Gardinaliaid y broses o bleidleisio i ddewis y Pab newydd brynhawn ddydd Mercher.

Daeth mwg du nos Fercher a bore Iau, gan gadarnhau nad oedd Pab newydd wedi'i ethol eto. 

Ond ychydig wedi 17:00 brynhawn Iau, daeth mwg gwyn yn arwydd fod Pab newydd wedi'i ethol.

Roedd y dorf yn Y Fatican wedi bod yn gweiddi 'Habemus Papam' sy'n golygu 'Mae gennym Bab' ers i'r mwg gwyn godi o'r simnai.