Mae chwyddiant wedi arafu i 4.6% ym mis Hydref yn ôl ffigurau diweddaraf y Swyddfa Ystadegau Gwladol.
Dyma'r raddfa isaf ers dwy flynedd, ac mae'n gyhoeddiad calonogol i'r Prif Weinidog Rishi Sunak wrth iddo geisio cyrraedd ei darged drwy haneru chwyddiant erbyn diwedd y flwyddyn.
6.7% oedd y raddfa ym mis Medi. Ac mae'r cyhoeddiad fore Mercher yn well na'r disgwyl, gyda dadansoddwyr wedi darogan y byddai'n arafu i 4.7%.
Mae'r ystadegau diweddaraf yn dangos fod prisiau nwy wedi gostwng 31% yn y flwyddyn hyd at Hydref, gyda gostyngiad o 15.6% yng nghost trydan.
Ond mae pris nwy yn dal i fod 60% yn uwch na Hydref 2021 tra bo trydan 40% yn uwch.
Roedd Rishi Sunak wedi addo haneru chwyddiant i raddfa yn is na 5.4% erbyn diwedd y flwyddyn, sy'n golygu ei fod yn debygol o gyrraedd y nod hwnnw, oni bai y daw naid annisgwyl cyn diwedd y flwyddyn.
Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.
