Cyhoeddodd Heddlu Dyfed-Powys iddyn nhw dderbyn adroddiadau am ddyn yn ymddwyn yn amheus yn Aberaeron, Ceredigion brynhawn Mawrth, a'i fod o bosibl â chyllell yn ei feddiant.

Cafodd swyddogion yn cynnwys heddlu arfog eu galw i ffordd Panteg yn y dref, a chafodd yr ardal ei harchwilio yn fanwl, medd yr heddlu. Maen nhw hefyd wedi siarad â thystion.  

Cyhoeddodd Ysgol Gyfun Aberaeron rybudd ar gyfryngau cymdeithasol ar gyfer eu disgyblion. 

Image

Yn ôl yr heddlu, does dim adroddiadau pellach wedi dod i law ond maen nhw yn dal i fod yn yr ardal.