Mae undeb gweithwyr rheilffyrdd yr RMT wedi dweud eu bod yn “croesawu” cam newydd tuag at ddod a streiciau i ben.

Dywedodd Ysgrifennydd Cyffredinol yr RMT Mick Lynch eu bod nhw wedi datblygu “memorandwm o ddealltwriaeth” gyda’r Rail Delivery Group sy’n cynrychioli cwmnïoedd y rheilffyrdd.

Byddai’r cytundeb yn cynnwys codiad cyflog wedi’i ddyddio yn ôl i 2022 ar gyfer staff a sicrwydd swyddi, meddai’r RMT.

"Mae hwn yn ddatblygiad i'w groesawu,” meddai Mick Lynch.

“Bydd ein haelodau nawr yn penderfynu mewn e-refferendwm a ydyn nhw am dderbyn y cynnig newydd hwn gan y Rail Delivery Group.”

Mae’r gweithredu diwydiannol rhwng yr RMT a’r Rail Delivery Group wedi achosi oedi i filiynau o deithwyr ers i'r ffrae ddechrau yn haf 2022.