Daeth i sylw'r heddlu yn dilyn adolygiad hanesyddol o'r achos yn 2013 pan ganfuwyd olion ei fysedd ar botel yn lleoliad y llofruddiaeth.

Ond ni chafodd ei ddarganfod am ddegawd arall yn dilyn ymdrechion gan dditectifs o Scotland Yard, aeth i'w arestio pan oedd yn camu o awyren ym Mhortiwgal

Fe gyfaddefodd i fod â phasbort ffug yn ei feddiant, cyn iddo gael ei ddedfrydu'n euog ar ddiwedd achos llys yn yr Old Bailey ddydd Mawrth.

Canlyniad

Wrth siarad tu allan i'r llys, dywedodd y Ditectif Sarjant Quinn Cutler, oedd wedi chwilio am Bryan am ddegawd, ei fod "wedi ei fodloni" gyda chanlyniad yr achos.

Dywedodd wrth asiantaeth newyddion PA: "Rwyf yn fwy bodlon ar ran teulu Szalajko sydd wedi treulio 40 o flynyddoedd yn ceisio meddwl beth ddigwyddodd i'w tad a'u taid."

Disgrifiodd Mr Cutler Bryan fel "ffantasïwr" oedd wedi byw ar ennillion ei wraig oedd yn rhedeg cwmni teithio, cyn dychwelyd i Brydain yn dilyn ei marwolaeth.

“Mae wedi byw y rhan fwyaf o’i oes fel person arall. Mae'n cymryd arno ei fod yn Americanwr, mae'n esgus ei fod wedi bod yn y Fyddin ac wedi dianc oddi yno.

“Nid oes dim y mae’n ei ddweud yn wir ac mae’n anodd iawn deall beth mae wedi’i wneud mewn gwirionedd am y 40 mlynedd ddiwethaf.

“Yr hyn rydyn ni’n gwybod ei fod wedi’i wneud yw bod yn rhan o lofruddiaeth Roman Szalajko nôl ym 1984 o’r dystiolaeth fforensig cryf iawn roedd fy nghydweithwyr yn yr adran fforensig wedi gallu ei adnabod.”

Cafodd Bryan ei gadw yn y ddalfa gan y Barnwr Nigel Lickley KC, ac fe fydd yn cael ei ddedfrydu ar 8 Rhagfyr.

Llun: Heddlu'r Met