Noel Mooney wedi 'synnu mwy nag unrhyw un arall' gan adroddiadau 'ffug' ynghylch dyfodol Rob Page
26/10/2023
Cafodd prif weithredwr Cymdeithas Bêl-droed Cymru, Noel Mooney, "sgwrs dda" gyda Robert Page yn sgil honiadau papur newydd fod swydd y rheolwr dan fygythiad.
Mewn cyfweliad arbennig gyda Sgorio, dywedodd Mr Mooney ei fod wedi “synnu mwy nag unrhyw un arall” ynglŷn â honiadau ym mhapur newydd y Sun ei fod wedi ystyried Roy Keane fel dewis posib yn swydd hyfforddwr Cymru.
Wrth siarad â Dylan Ebenezer, dywedodd Mr Mooney: “Roedd y stori yn rwtsh llwyr. Daeth yr holl beth fel sioc i ni."
Dywedodd Mr Mooney fod o a Llywydd y Gymdeithas, Steve Williams, wedi cael trafodaeth gyda Rob Page wedi i'r stori ymddangos.
"Naethon ni eistedd i lawr a chael paned o goffi fyny yn Wrecsam," meddai.
"Fe wnaeth Rob ambell i bwynt, a fe wnaethon ni rhai pwyntiau, a fe wnaethon ni gytuno ar bopeth gyda'n gilydd." meddai. "Roedd yn drafodaeth bositif a chynhyrchiol iawn.
"Mae'r Gymdeithas yn gwbl gefnogol i Rob. Mae'n gwneud gwaith gwych."
Inline Tweet: https://twitter.com/sgorio/status/1717558500300132862
Daeth sibrydion ynglŷn â dyfodol swydd Rob Page i’r amlwg ddiwrnod yn unig gyn i Gymru herio Croatia yn rowndiau rhagbrofol Euro 24 yn gynharach y mis.
Llwyddodd Cymru i guro Croatia yn y gêm honno, gan ennill o 2-1, a chadw eu gobeithio o gyrraedd rowndiau terfynol y bencampwriaeth yn fyw.
