Mae dau unigolyn wedi cael eu cludo i’r ysbyty yn dilyn gwrthdrawiad ger mynydd y Rhigos. 

Cafodd Heddlu De Cymru eu galw i’r digwyddiad ar Ffordd Rhigos yn Nhreherbert toc cyn 9.45 fore Sul. 

Roedd y gwrthdrawiad rhwng gyrrwr beic modur a gyrrwr beic cwad. 

Cafodd y ddau eu cludo i Ysbyty Athrofaol Cymru yng Nghaerdydd er mwyn derbyn triniaeth. 

Nid oedd eu hanafiadau yn rhai a oedd yn peryglu eu bywydau meddai'r heddlu.