Mae deiseb wedi ei sefydlu yn galw ar Lywodraeth Cymru i sicrhau mai dim ond yr enw Cymraeg ar Ynys Môn sydd yn cael ei ddefnyddio yn y dyfodol.

Cafodd y ddeiseb ei sefydlu gan Bryn Thomas, a hyd yma cwta 500 o enwau sydd wedi ei llofnodi.

Caiff pob deiseb i Senedd Cymru eu hystyried am ddadl yn y Senedd os bydd 10,000 o bobl yn eu llofnodi.

Mae'r ddeiseb yn galw am "roi'r gorau i ddefnyddio'r enw 'Ynys Môn' a defnyddio'r enw 'Ynys Môn' yn unig neu ei fyrhau i 'Môn'.

"Nid oes gan rai siroedd eraill yng Nghymru enw Cymraeg a Saesneg."

'Helpu'

Cynnig y ddeiseb yw unai galw'r fam ynys yn Ynys Môn yn unig, neu defnyddio Môn er mwyn hwylustra:

"Mae Môn yn hawdd ei ynganu i bawb ym mhob iaith.

"Mae dau enw ar sir yn ddryslyd i dwristiaid, ond bydd defnyddio un enw yn helpu i gadw treftadaeth Gymreig yr ynys yn fyw."

Daw wedi i Awdurdod Barc Cenedlaethol Eryri benderfynu defnyddio ei enw Cymraeg yn unig, ac enw Cymraeg yr Wyddfa.

Yn dilyn hynny fe benderfynodd Parc Cenedlaethol Bannau Brycheiniog wneud yr un fath.