Wedi pum gêm gynghrair mae’r Seintiau Newydd a’r Bala wedi torri’n glir ar frig y tabl fel yr unig dimau sydd heb golli hyd yma, ond gyda’r ddau glwb yn brysur yn cystadlu yng Nghwpan Her yr Alban y penwythnos yma bydd gweddill y pac yn awyddus i neidio ar y cyfle i gau’r bwlch ar y copa.

Met Caerdydd v Pontypridd | Nos Wener – 19:45

Mae Met Caerdydd a Pontypridd yn hafal ar bwyntiau yng nghanol y tabl ar ôl ennill dwy, colli un a chael dwy gêm gyfartal yn y gynghrair hyd yn hyn.

Doedd Met Caerdydd heb ildio gôl yn eu pedair gêm agoriadol nes eu colled o 2-1 yn erbyn Y Drenewydd nos Wener diwethaf.

Pontypridd yw’r unig dîm i ildio llai na Met Caerdydd eleni gyda George Ratcliffe yn ildio dim ond unwaith mewn pum gêm hyd yma, ac honno yn erbyn Y Seintiau Newydd.

Mae Met Caerdydd wedi ennill eu pedair gêm flaenorol yn erbyn Pontypridd ac heb golli yn erbyn y clwb o’r Rhondda ers 2007.

Record cynghrair diweddar:

Met Caerdydd: ✅➖✅➖❌

Pontypridd: ➖❌➖✅✅

Llun: Cymdeithas Bêl-droed Cymru