Mae disgwyl i nifer o weithwyr cwmni Wilko yng Nghasnewydd gael eu diswyddo ddydd Llun wedi i gais i brynu'r cwmni fethu.

Gallai hyd at 1,600 o weithwyr y cwmni golli eu gwaith yn fuan , gyda 269 o swyddi  yn eu canolfannau cymorth yn Worksop a Chasnewydd yn diflannu'r wythnos nesaf.

Daw wedi i ddarpar brynwr fethu’r dyddiad cau ar gyfer gwneud cynnig. 

Dyma'r unig brynwr oedd yn cynnig diogelu holl swyddi  Wilko, sy'n cyflogi 12,500 o bobl o mewn 400 o siopau a chanolfannau. Mae ganddyn nhw 27 siop yng Nghymru. 

Fe fydd staff cyllid a chyfreithiol ymysg y rhai fydd yn colli eu swyddi. 

Yn ol PwC,  y gweinyddwyr sy'n gyfrifol am geisio dod o hyd i brynwr, doedd dim  cynnig arall fyddai'n diogelu Wilko “yn ei gyfanrwydd.” 

Wrth fynegi siom, dywedodd undeb y GMB bod hyn yn golygu y byddai'r broses o ddiswyddo  yn "ailgychwyn bron ar unwaith.”

Ond ychwanegodd yr undeb eu bod yn parhau yn  “obeithiol” y daw cynnig arall fydd yn golygu diogelu siopau a gwefan Wilko.