Mae 73 o bobl wedi marw mewn tân mewn adeilad yn ninas Johannesburg yn Ne Affrica, gyda 52 yn rhagor wedi eu hanafu.

Digwyddodd y tân mewn adeilad aml-lawr yn ystod y nos.

Nid yw achos y tân wedi cael ei sefydlu hyd yn hyn a'r gred yw y gallai hyd at 200 o bobl fod yn byw yn yr adeilad ar y pryd.

Mae ymdrechion y gwasanaethau brys yn parhau ar y safle fore dydd Iau.

Mae Robert Mulaudzi, llefarydd ar ran y gwasanaethau brys, wedi rhybuddio y gallai nifer y marwolaethau godi ymhellach - gan y gallai mwy o bobl fod wedi cael eu dal y tu mewn i'r adeilad.

Yn ôl adroddiadau lleol, fe allai'r rhai oedd yn byw yn yr adeilad fod yn fudwyr oedd wedi symud yno ar ôl iddo ddod yn wag.

@CityofJoburgEMS Firefighters are currently attending to a building on fire in @CityofJoburgZA CBD corner Delvers, Alberts street at this stage 10 people confirmed dead and multiple patients treated on scene transported to various health care facilities for further medical care pic.twitter.com/20b6NXaHvF

— Cojems Spokesperson (@RobertMulaudzi) August 31, 2023