Mae tîm newydd Plaid Cymru yn Senedd Cymru wedi cael ei gyhoeddi gan arweinydd newydd y blaid, Rhun ap Iorwerth.

Delyth Jewell sydd wedi'i phenodi'n Ddirprwy'r Senedd, a bydd yn dirprwyo dros faterion seneddol.

Mabon ap Gwynfor sydd yn cymryd awenau hen rôl Mr ap Iorwerth, sef y llefarydd ar iechyd a gofal, tra bydd Luke Fletcher yn llefarydd yr economi.

Mae'r cyn-ddirpwy arweinydd Sian Gwenllian yn "aelod dynodedig arweiniol" o ran y cytundeb cydweithio gyda Llywodraeth Cymru. 

Bydd ffocws y blaid yn y Senedd yn "gadarn" ar faterion allweddol gan gynnwys y gwasanaeth iechyd, tai a chostau byw meddai'r arweinydd newydd.

Mae'r cyn-arweinydd Adam Price yn llefarydd ar gyfiawnder a materion Ewropeaidd.

Dyma'r tîm llawn:

• Rhun ap Iorwerth - Aelod Dynodedig, cyfansoddiad
• Delyth Jewell - Dirprwy Senedd, newid hinsawdd
• Llyr Gruffydd - Cadeirydd y Grŵp, materion gwledig
• Heledd Fychan - Rheolwr Busnes, addysg, y Gymraeg a diwylliant
• Mabon ap Gwynfor - Prif chwip, iechyd, gofal cymdeithasol a thai
• Adam Price - Cyfiawnder a materion Ewropeaidd
• Peredur Owen Griffiths - Cyllid a llywodraeth leol
• Sioned Williams - Cyfiawnder cymdeithasol a gwasanaethau cymdeithasol
• Luke Fletcher - Economi
• Sian Gwenllian - Aelod Dynodedig Arweiniol
• Cefin Campbell - Aelod Dynodedig

Llun: Plaid Cymru