Miloedd o bobl yn dod ynghyd mewn rali dros hawliau'r Llydaweg
Mae miloedd o bobl wedi dod at ei gilydd yn nhref Gwengamp yn Llydaw wrth i rali hawliau iaith gael ei chynnal ar yr un pryd â ras yr iaith.
Yn ôl Golwg360, y rhwydwaith iaith Rouedad Ar Brezhoneg a chanolfan ddiwylliannol Ti Ar Vro sydd wedi trefnu'r digwyddiad a'r disgwyl oedd y byddai hyd at 10,000 o bobl yno.
Daw'r digwyddiad yn sgil penderfyniad Llywodraeth Ffrainc i wrthod cyflwyno deddfwriaeth a fyddai'n sicrhau lle teilwng i'r Llydaweg yn ysgolion Ffrainc.