Mae’r band byd enwog, Coldplay, wedi derbyn canmoliaeth am gynnwys y Gymraeg yn ystod dwy noson o berfformio yn y brifddinas. 

Mae’r band wedi derbyn canmoliaeth gan sawl un ar gyfryngau cymdeithasol am eu defnydd o’r iaith Gymraeg ar ôl dau gyngerdd yn Stadiwm y Principality yng Nghaerdydd nos Fawrth a nos Fercher.

Fel rhan o’r perfforormiadau roedd arwyddion dwyieithog i’w gweld, a rheiny’n annog y gynulleidfa i gymryd rhan ar bob achlysur. 

the respect @coldplay showed Cardiff, Wales and the Welsh language was enormous. @HanaLilimusic supporting. Chris speaking Welsh, everything on screen bilingual. Diolch o Galon! Kelly @stereophonics & their mate Kris, Bridgend Male Voice Choir. Rockfield & Clwb Ifor Bach love! pic.twitter.com/Rva3HFsnxG

— Huw Stephens (@huwstephens) June 7, 2023

Fe gafodd prif leisydd y band, Chris Martin, glod hefyd gan sawl un am ymdrechu i siarad yr iaith ac am berfformio’r anthem genedlaethol, Hen Wlad Fy Nhadau.

Bu canmoliaeth hefyd am ddathlu diwylliant Cymru wedi i’r band dewis yr artist Hana Lili, sy’n 23 oed ac yn wreiddiol o Sili ger Penarth, i agor y ddwy noson cyn i Coldplay gamu ar y llwyfan.

Diolch @coldplay am barchu a defnyddio’r Gymraeg 🏴󠁧󠁢󠁷󠁬󠁳󠁿❤️ pic.twitter.com/2WbZYVtoHJ

— Morgan Jones 🏴󠁧󠁢󠁷󠁬󠁳󠁿🇪🇺 (@mogsjos) June 7, 2023

​​​​​​Cafodd prif leisydd Stereophonics, Kelly Jones yn wreiddiol o Gwmaman, gwahoddiad i ymuno’r llwyfan ar y ddwy noson, ac roedd yna berfformiad gan Gôr Meibion Pen-y-bont ar Ogwr.

Roedd Coldplay yn perfformio yng Nghaerdydd ar 6 a 7 Mehefin fel rhan o gyngerdd sy’n ymweld â dinasoedd ledled y byd eleni.

Llun: Sebwes89 (CC BY-SA 4.0).