Mae'r gantores Loreen o Sweden wedi ennill cystadleuaeth Eurovision yn Lerpwl eleni.

Dyma'r eildro iddi ennill y gystadleuaeth ar ôl dod yn fuddugol am y tro cyntaf yn 2012.

Roedd ei chân Tattoo yn hynod o boblogaidd gyda'r gwledydd eraill wrth i Sweden ennill 58 pwynt i fod yn fuddugol.

Y Ffindir ddaeth yn ail gyda 526 pwynt, gydag Israel yn cipio'r trydydd safle gyda 362 o bwyntiau.

Loreen - Tattoo! 🇸🇪 The winner of #Eurovision 2023! pic.twitter.com/h74edfVS1h

— Eurovision Song Contest (@Eurovision) May 13, 2023

Methodd Mae Muller o Brydain ailadrodd llwyddiant Sam Ryder y llynedd, gan ddod yn safle 25 yn y gystadleuaeth, un uwchben y gwaelod.

Loreen yw’r  fenyw gyntaf i ennill Eurovision ddwywaith. Wrth dderbyn y wobr dywedodd ei bod wrth ei bodd gyda'r fraint.

"Dwi mor ddiolchgar. Rydw i mor ddiolchgar. Doeddwn i ddim yn meddwl y byddai hyn yn digwydd.”

Mae buddugoliaeth Sweden yn golygu y bydd Sweden yn cynnal y gystadleuaeth y flwyddyn nesaf, a hynny ar achlysur dathlu 50 mlynedd ers buddugoliaeth hanesyddol Abba gyda'r gyda'r gân enwog Waterloo yn 1974.

Llun: PA