Mae'r Gweinidog Amddiffyn Ben Wallace wedi cadarnhau y bydd y DU yn anfon taflegrau pellter hir i Wcráin.

Dywedodd y gweinidog y byddai taflegrau Storm Shadow yn cael eu darparu i fyddin Wcráin wrth i'r rhyfel gyda Rwsia barhau yno.

Mae Wcráin wedi bod yn galw am daflegrau gan wledydd eraill, ond mae'r UDA a gwledydd eraill wedi oedi rhag ofn iddynt gael eu defnyddio ar dir Rwsia.

Dywedodd CNN bod y DU wedi cael cadarnhad na fydd y taflegrau yn cael eu defnyddio tu allan i Wcráin.

Cafodd taflegrau Storm Shadow eu datblygu gan British Aerospace a chwmni Ffrengig, ac maen nhw'n cario pen ffrwydrol sydd yn gallu cyrraedd pellter o 560km, meddai'r RAF.

Wrth ymateb i'r cytundeb rhwng y DU a Wcráin dywedodd Rwsia y byddai angen "ymateb digonol gan ein byddin."

Llun: Wikimedia Commons