Fideo o ffoadur o Affganistan yn canu yn Gymraeg yn swyno'r Cymry
Fideo o ffoadur o Affganistan yn canu yn Gymraeg yn swyno'r Cymry
Mae fideo o ffoadur o Affganistan yn canu mewn Eisteddfod Cylch yr Urdd dros y penwythnos wedi cael cryn ymateb ar y cyfryngau cymdeithasol.
Cafodd y clip o’r ferch ifanc yn canu’r gân ‘Dere di, dere do’ ei rannu gan brif weithredwr yr Urdd, Sian Lewis.
Dywedodd Ms Lewis bod y ferch a'i theulu wedi ffoi eu cartref yn Affganistan 19 mis yn ôl.
"19 mis yn ôl fe wnaeth y ferch fach hon a'i theulu ffoi o Afghanistan yn dilyn goresgyniad y Taliban,” meddai.
"Am bum mis, gyda 112 o ffoaduriaid eraill, fe arhoson nhw yng Ngwersyll yr Urdd Caerdydd.
"Ac ar ôl gadael, cofrestru eu plant mewn Addysg Gymraeg."
'Hyfryd'
Dros flwyddyn yn ôl fe ddaeth cannoedd o ffoaduriaid o Affganistan i Gymru yn dilyn goresgyniad y Taliban.
Roedd nifer o’r ffoaduriaid wedi ymgartrefu dros dro mewn gwersyll yr Urdd.
Denodd y fideo ymateb sylweddol ar y cyfryngau cymdeithasol, gyda Gweinidog Addysg Cymru, Jeremy Miles ymysg yr rheini fu'n canmol.
"Codi calon dyn yng nghanol yr holl lanast," ychwanegodd y cyfarwyddwr theatrig Cefin Roberts. "Diolch am rannu."
Dywedodd y Dirprwy Weinidog Diwylliant, Dawn Bowden, ei fod yn "hyfryd" gweld.