Mae swyddogion Heddlu Trafnidiaeth Prydeinig sy’n ymchwilio i ymosodiad rhyw honedig ar drên rhwng Abertawe a Llanelli wedi rhyddhau delweddau o ddau ddyn yr hoffen nhw eu hadnabod.

Ar ddydd Iau 9 Chwefror am 16.02, aeth menyw ar drên Caerdydd-Abergwaun ac eistedd yn y cerbyd cefn. Am tua 17:00, ymunodd dau ddyn â'r trên yn Abertawe ac eistedd wrth ei hymyl.

Ar ôl i'r trên adael gorsaf Abertawe, dechreuodd y dynion siarad gyda'r fenyw.

Ar sawl achlysur yn ystod y cyfnod hwn cyffyrddodd y ddau ddyn â'r fenyw yn amhriodol. Gadawodd y ddau ddyn y trên yn Llanelli am tua 17:20.

Mae swyddogion yn credu y gallai fod gan y ddau ddyn yn y llun sydd wedi ei gyhoeddi wybodaeth a allai helpu eu hymchwiliad.

Gofynnir i unrhyw un sy’n eu hadnabod gysylltu â HTP drwy anfon neges destun at 61016, neu drwy ffonio 0800 40 50 40 gan ddyfynnu’r cyfeirnod 2300015448.