Mae eira wedi taro rhannau o'r de a'r de orllewin fore Mercher gan orfodi nifer o ysgolion i gau. 

Mae rhai ysgolion yn siroedd Caerffilli, Rhondda Cynon Taf, Castell-nedd Port Talbot, Abertawe, Blaenau Gwent, Caerdydd, Merthyr Tudful, Bro Morgannwg, Pen-y-bont ar Ogwr, Sir Gaerfyrddin a Sir Benfro wedi cyhoeddi eu bod ar gau. 

Daeth y rhybudd ar gyfer rhai ardaloedd yn y de a'r gorllewin i rym am 00:00 fore Mercher. Ac mae rhybudd am eira trwm mewn ambell ardal rhwng dyddiau Iau a Gwener

Image

Mae yna rybuddion y gall yr eira achosi trafferthion ar y ffyrdd ac oedi ar drafnidiaeth gyhoeddus. Bu'n rhai i faes awyr Bryste gau am gyfnod fore Mercher. Mae'r safle bellach wedi ail agor. Ond mae'r maes awyr yn rhybuddio fod y tywydd wedi amharu ar eu gwasanaethau. 

Yng Nghymru, dywedodd y Swyddfa Dywydd fod posibilrwydd y gallai'r eira effeithio ar gyflenwadau pŵer, yn enwedig mewn cymunedau gwledig. 

Mae'r rhybudd ar gyfer y siroedd canlynol ddydd Mercher. 

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gâr
• Ceredigion
• Merthyr Tudful
• Sir Fynwy
• Castell-nedd Port Talbot
• Casnewydd
• Sir Benfro
• Powys
• Rhondda Cynon Taf
• Abertawe
• Torfaen
• Bro Morgannwg           

Mae'r Swyddfa Dywydd hefyd wedi cyhoeddi rhybudd melyn arall am eira sy'n ymestyn ymhellach tua'r gogledd, a fydd yn dod i rym fore Iau. Gallai fwrw eira'n drwm mewn ambell ardal, yn ôl y swyddfa.

Fe fydd y rhybudd yn dod i rym am 07:00 fore Iau tan 14:00 brynhawn Gwener ar gyfer y siroedd canlynol

• Ceredigion
• Sir Gaerfyrddin 
• Conwy
• Sir Ddinbych
• Sir Y Fflint 
• Gwynedd
• Ynys Môn
• Sir Fynwy
• Powys
• Wrecsam 

Llun: Dylan Morris