Mae'r Swyddfa Dywydd wedi ymestyn ei rhybudd melyn am eira i rannau helaeth o Gymru yn ddiweddarach yr wythnos hon.

Mae'r Swyddfa yn darogan y bydd yr eira yn effeithio ar siroedd y de a'r de orllewin i ddechrau o 00:00 nos Fawrth, hyd at 09:00 fore dydd Iau - ac yna i'r rhan fwyaf o Gymru dydd Iau.

Fe allai achosi ychydig o drafferthion ar y ffyrdd ac mewn cymunedau gwledig.

Y siroedd lle gallai eira ddisgyn dros nos Fawrth ac yn ystod dydd Mercher yw:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gâr
• Ceredigion
• Merthyr Tudful
• Sir Fynwy
• Castell-nedd Port Talbot
• Casnewydd
• Sir Benfro
• Powys
• Rhondda Cynon Taf
• Abertawe
• Torfaen
• Bro Morgannwg           

Mae rhybudd melyn hefyd ar gyfer eira mewn grym rhwng 03:00 fore Iau a 18:00 nos Wener yn y gogledd a'r canolbarth, yn benodol yn y siroedd canlynol:  

• Ceredigion
• Conwy
• Sir Ddinbych
• Sir Y Fflint 
• Gwynedd
• Ynys Môn
• Powys
• Wrecsam 

 

Prif lun: PA