Mae Cyngor yn Lloegr wedi ymddiheuro am chwifio'r faner anghywir ar Ddiwrnod Dewi Sant.

Fe wnaeth Cyngor Sheffield arddangos baner Yr Alban ddydd Mercher.

Gwelwyd y faner yn chwifio o bolyn ar adeilad neuadd y dref, cyn iddi gael ei thynnu lawr a baner Dewi Sant yn cael ei chodi yn ei lle.

Ffotograffydd lleol  wnaeth rannu'r llun ar Twitter wnaeth sylweddoli fod y camgymeriad wedi ei wneud.

Dywedodd llefarydd ar ran Cyngor Sheffield eu bod wedi cydnabod bod camgymeriad wedi digwydd.

"Rydym yn ymddiheuro bod y faner anghywir wedi cael ei chwifio heddiw. Hoffwn ddymuno Diwrnod Dewi Sant Hapus i bawb sy'n dathlu."

Llun: The Steel City Snapper