Cyhuddo tri chwaraewr yn dilyn anhrefn mewn gêm bêl-droed yn Y Rhyl
Mae tri chwaraewr pêl-droed wedi'u cyhuddo o ymladd yn dilyn anhrefn ar y cae yn ystod gêm yn Y Rhyl.
Cynhaliodd yr heddlu ymchwiliad yn dilyn yr anhrefn yn ystod y gêm rhwng Rhyl 1879 a Bangor 1876 ym mis Hydref y llynedd.
Took Wyatt to see #rhylfc and enhance his football education....
— The Ag Recruiter (@ag_recruiter) October 22, 2022
Things escalate quickly in North Wales!! #itfc pic.twitter.com/gZI1VvguD4
Bellach mae tri chwaraewr - Alex Jones, 28, a Leon Atkins, 21 oedd yn chwarae i'r Rhyl a Shaun Lock, 30, oedd yn chwarae dros Fangor - wedi'u cyhuddo o ymladd.
Cafodd Alex Jones hefyd ei gyhuddo o ymosod ar chwaraewr arall.
Mewn datganiad, dywedodd y Ditectif Gwnstabl Kieran Davies fod y ddau clwb a Chymdeithas Bêl-Droed Cymru wedi cydweithio gyda'r heddlu yn ystod yr ymchwiliad.
Fe fydd y tri yn ymddangos yn Llys Ynadon Llandudno ar 29 Mawrth.
