Mae Alun Wyn Jones, Justin Tipuric a Taulupe Faletau yn ôl yn y tîm i wynebu Lloegr ym Mhencampwriaeth y Chwe Gwlad ddydd Sadwrn.

Mae Dan Biggar, George North, Liam Williams a Jac Morgan wedi eu diosg o'r 15 cyntaf, gyda Biggar ar y fainc.

Fe fydd nenfwd Stadiwm Principality ar agor ar gyfer y gêm.

Roedd Warren Gatland wedi bwriadu enwi tîm Cymru ddydd Mawrth ond methwyd a gwneud hynny oherwydd y bygythiad y gallai'r gêm gael ei chanslo oherwydd streic gan y chwaraewyr.

Bydd Cymru yn chwilio am eu buddugoliaeth gyntaf yn y Chwe Gwlad ar ôl colli'n drwm yn erbyn Iwerddon a'r Alban. 

Ond bydd amheuon ymysg cefnogwyr a fydd chwaraewyr Cymru wedi gallu canolbwyntio ar ymarfer yn sgil yr anghodfod.

Wrth siarad tu fas i westy'r Vale, pencadlys tîm rygbi Cymru, nos Fercher dywedodd y capten Ken Owens fod y dyddiau diwethaf wedi bod yn rhai "anodd tu hwnt." 

Ond dywedodd Warren Gatland wrth gyhoeddi'r tîm mai ei neges i'r chwaraewyr oedd fod angen "tynnu llinell ar beth sydd wedi digwydd a chanolbwyntio ar y rygbi".

Y tîm

15. Leigh Halfpenny 

14. Josh Adams 

13. Mason Grady 

12. Joe Hawkins 

11. Louis Rees-Zammit 

10. Owen Williams 

9. Tomos Williams 

1. Gareth Thomas 

2. Ken Owens 

3. Tomas Francis 

4. Adam Beard 

5. Alun Wyn Jones 

6. Christ Tshiunza 

7. Justin Tipuric 

8. Taulupe Faletau 

Eilyddion

16. Bradley Roberts

17. Rhys Carre 

18. Dillon Lewis 

19. Dafydd Jenkins 

20. Tommy Reffell 

21. Kieran Hardy 

22. Dan Biggar

23. Nick Tompkins

Fe fydd y gic gyntaf am 16:45 ac fe fydd y gêm yn cael ei darlledu'n fyw ar S4C, S4C Clic a BBC iPlayer.