Fe fydd Shaun Murphy yn wynebu Robert Milkins yn rownd derfynol Pencampwriaeth Snwcer Agored Cymru yn Llandudno nos Sul.

Fe gurodd Murphy Pang Junxu yn y rownd gynderfynol gyda Milkins yn trechu Tian Pengfei hefyd o tseina.  Fe gurodd Milkins Ali Carter, John Higgins a Ronnie O’Sullivan ar y ffordd.

Fe gwblhaodd Murphy gliriad o 147 yn rownd yr 16 olaf yn erbyn Daniel Wells.

Mae gwobr o £80,000 ar gyfer yr enillydd. Os ydy Milkins yn ennill fe fydd hefyd yn sicrhau bonws o £150,000 am gyrraedd rhif un ymhlith detholion cyfres BetVictor.