Newyddion S4C

Saethu Califfornia

O leiaf saith wedi eu saethu yn farw yng Nghaliffornia

NS4C 24/01/2023

Mae o leiaf saith o bobl wedi eu saethu yn farw yng Nghaliffornia ddydd Llun. 

Digwyddodd yr ymosodiadau mewn dau leoliad ar wahân yn ninas arfordirol Half Moon Bay, sydd tua 30 milltir i'r de o San Francisco. 

Cafodd yr ymosodwr ei enwi fel Zhao Chunli, 67, sydd yn byw gerllaw. 

Daw hyn ddeuddydd yn unig wedi i 11 o bobl gael eu lladd mewn achos o saethu mewn stiwdio ddawns yn ninas Monterey Park ger Los Angeles dros y penwythnos.

Roedd degau o filoedd o bobl wedi ymgynnull mewn gŵyl i ddathlu’r Flwyddyn Newydd Chineaidd nos Sadwrn.

Llun: CBS

This website uses cookies to ensure you get the best experience on our website.