Newyddion S4C

carden wen

Defnyddio cerdyn gwyn am y tro cyntaf mewn gêm bêl-droed

NS4C 23/01/2023

Mae cerdyn gwyn wedi ei ddefnyddio am y tro cyntaf mewn gêm bêl-droed, a hynny ym Mhortiwgal.

Fe wnaeth y dyfarnwr Catarina Campos ddangos y cerdyn yn y gêm rhwng Merched Benfica a Merched Sporting Lisbon ddydd Sul.

Mae'r cerdyn yn cael ei defnyddio i gydnabod chwarae teg ar y cae. Mae'n rhan o fenter ym Mhortiwgal er mwyn "gwella gwerth moesegol yn y gamp."

Roedd y dyfarnwr wedi dangos y cerdyn wrth i dimau Benfica a Sporting Lisbon ymateb i berson yn y dorf oedd yn dioddef argyfwng meddygol ar y pryd.

Fe wnaeth y dorf ymateb yn gadarnhaol i'r cerdyn, gan gymeradwyo pan gafodd ei ddangos.

Llun: Camal/Twitter

This website uses cookies to ensure you get the best experience on our website.