Newyddion S4C

Darcey Corria. Llun gan Miss Cymru / Danielle Latimer

Miss Cymru wedi ei hanafu yn ddifrifol mewn damwain ar yr M4

NS4C 21/01/2023

Mae Miss Cymru 2022 wedi ei hanafu yn ddifrifol mewn damwain ar yr M4.

Fe wnaeth Darcey Corria dorri ei phelfis ac esgyrn yn ei gwddf ar ôl y ddamwain ym Mhen-y-bont ar Ogwr yn gynharach yr wythnos hon.

Mae’r fenyw 21 oed o’r Barri sydd yn gobeithio ennill gwobr Miss World yn Ysbyty Athrofaol Cymru, Caerdydd.

Dywedodd trefnwyr y gystadleuaeth eu bod nhw’n “hyderus” y gallai Darcey Corria gymryd rhan ym mis Mai.

Hi oedd y ddynes gyntaf o liw i ennill gwobr Miss Cymru yn hanes 70 mlynedd y gystadleuaeth.

Fe wnaeth llefarydd ar ran Miss Cymru ddweud bod y newyddion yn eu "tristhau".

"Mae Darcey yn derbyn cariad a chefnogaeth gan ei theulu agos ac mae disgwyl iddi wella yn llwyr," medden nhw.

Llun: Darcey Corria gan Miss Cymru / Danielle Latimer

This website uses cookies to ensure you get the best experience on our website.