Mae CPD Abertawe allan o Gwpan yr FA. 

Collodd tîm Russell Martin o 2-1 ar ôl amser ychwanegol yn erbyn Bristol City nos Fawrth. 

Sgoriodd Mark Sykes i roi Bristol City ar y blaen cyn i Ollie Cooper ei gwneud hi'n gêm gyfartal i'r Elyrch a gorfodi 30 munud o amser ychwanegol. 

Er bod Abertawe wedi cael cyfleoedd i sicrhau'r fuddugoliaeth, sgoriodd Sam Bell gan olygu bod yr Elyrch allan o'r Cwpan. 

Bydd Abertawe nawr yn gobeithio cael ail hanner cadarnhaol i'r tymor yn y Bencampwriaeth a sicrhau eu lle yn y gemau ail-gyfle.

Llun: CPD Abertawe / Twitter