Newyddion S4C

Paula Richards

Teulu'n talu teyrnged i fenyw 'annwyl' fu farw mewn gwrthdrawiad

NS4C 17/01/2023

Mae teulu menyw o Gasnewydd fu farw mewn gwrthdrawiad wedi talu teyrnged iddi.

Bu farw Paula Richards, 59, yn dilyn gwrthdrawiad rhwng Crymlyn ac Aberbîg ar yr A467 tua 13:20 ddydd Gwener 13 Ionawr.

Dywedodd ei theulu ei bod yn 'aelod annwyl'.

 “Paula oedd merch Joan a Colin Richards a chwaer hŷn ei dau frawd David a Philip.

"Roedd yn aelod annwyl o’r teulu, ac roedd bob amser yn chwilio am ffyrdd i helpu’r bobl o’i chwmpas.

"Bydd yn cymryd amser i ni ddechrau dod i delerau â’r ddamwain ofnadwy hon ac rydym yn gwybod y bydd pawb o’n hamgylch ni’n rhannu ein tristwch."

Mae ei theulu agosaf yn derbyn cymorth gan swyddogion arbenigol.

Mae'r heddlu yn gofyn i unrhyw fodurwyr â lluniau camera car a oedd yn defnyddio’r A467 rhwng 1pm a 2pm i gysylltu â nhw.

Gall unrhyw un sydd â gwybodaeth gysylltu gyda Heddlu Gwent gan ddefnyddio'r cyfeirnod 2300012861. Fel arall, gallwch ffonio Crimestoppers yn ddienw ar 0800 555 111.

This website uses cookies to ensure you get the best experience on our website.