Mae dynes o Brydain wedi marw mewn avalanche yn yr Alpau yn Ffrainc.

Cafwyd hyd iddi ar rewlif Argentiere sydd yn rhan o Mont Blanc gan achubwyr mynydd, ond nid oedd modd achub ei bywyd.

Dywedodd y Cyrnol Bertrand Host, o’r gwasanaeth achub mynydd yn Chamonix, fod ei dîm wedi’u galw i’r rhewlif tua 17:00 amser lleol ddydd Sadwrn.

Mae crwner Chamonix wedi agor ymchwiliad i farwolaeth y ddynes 45 oed.

Dywedodd y Cyrnol Host nad oedd marwolaethau ar fynydd Mont Blanc yn brin, gyda thua 80 o bobl yn colli eu bywydau bob blwyddyn.

Dywedodd llefarydd ar ran y Swyddfa Dramor: “Rydym yn darparu cymorth i deulu dynes o Brydain fu farw yn Ffrainc.”

Llun: Pixabay