Mae Clwb Pêl-droed Dinas Caerdydd wedi rhyddhau Mark Hudson o'i ddyletswyddau fel Rheolwr y Tîm Cyntaf.

Daw'r datblygiad wedi i'r Adar Gleision gael gêm gyfartal 1-1 yn erbyn Wigan ddydd Sadwrn, gan eu gadael yn yr 21ain safle yn y Bencampwriaeth.

Mewn datganiad dywedodd y clwb: “Hoffai Bwrdd y Cyfarwyddwyr ddiolch i Mark am ei holl waith fel chwaraewr, hyfforddwr a rheolwr tra gyda'r Adar Gleision. 

“Dymunwn bob lwc i Mark ar gyfer y dyfodol.”

Cardiff City Football Club has relieved Mark Hudson of his duties as First Team Manager.

The Board of Directors would like to place on record its thanks to Mark for all of his work as a player, coach and manager whilst with the Bluebirds.

— Cardiff City FC (@CardiffCityFC) January 14, 2023

Bydd Dean Whitehead yn cymryd cyfrifoldebau Rheolwr y Tîm Cyntaf dros dro. 

Bydd Tom Ramasut yn parhau fel Rheolwr Cynorthwyol a bydd yn cael ei gefnogi gan yr Hyfforddwr Gôl, Graham Stack.

Ychwanegodd y datganiad: “Bydd y Clwb yn dechrau chwilio am reolwr parhaol newydd."