Gareth Bale: Teyrngedau i'r chwaraewr athrylithgar ar ddiwedd gyrfa ddisglair
Gareth Bale: Teyrngedau i'r chwaraewr athrylithgar ar ddiwedd gyrfa ddisglair
Mae teyrngedau wedi eu rhoi yn dilyn cyhoeddiad capten Cymru, Gareth Bale, ei fod yn ymddeol o chwarae pêl-droed.
Cyhoeddodd Bale ei fod yn ymddeol o bêl-droed rhyngwladol a'i glwb ddydd Llun.
Dywedodd Prif Weinidog Cymru Mark Drakeford ei bod hi'n "ddiwrnod trist ond hefyd yn ddiwrnod i ddathlu un o oreuon Cymru.
"Dangosaist yr hyn y gallwn ni gyflawni, a throi ein breuddwydion yn realiti. Ti wedi rhoi Cymru ar y map. Diolch am bopeth Gareth."
Diwrnod trist. A sad day but also one to celebrate a true Welsh great.
— Mark Drakeford (@PrifWeinidog) January 9, 2023
You showed us what we could achieve, and made our dreams a reality.
Ti wedi rhoi Cymru ar y map. Diolch am bopeth Gareth. https://t.co/yE0DauuADV
Chwaraeodd Bale i glwb Tottenham Hotspur a Real Madrid, ac fe wnaeth Spurs ei longyfarch "am yrfa anhygoel."
Mewn datganiad, dywedodd Real Madrid fod "Bale yn rhan o'n tîm yn ystod un o'r cyfnodau mwyaf llwyddianus yn hanes ein clwb.
"Pob lwc Gareth, a dymuniadau gorau i ti a dy deulu."
Gracias, @GarethBale11. pic.twitter.com/m15M8mnzF6
— Real Madrid C.F. (@realmadrid) January 9, 2023
Ychwanegodd y comedïwr Elis James fod cefnogwyr Cymru wedi "cael atgofion nad oeddem ni byth yn ddychmygu eu cael. Bale ydy'r gorau rydym ni wedi ei greu mewn 147 mlynedd o bêl-droed rhynglwadol Cymru."
Diolch @GarethBale11 for everything you have given to Welsh football. Simply the best 🏴❤️ @FAWales #TogetherStronger pic.twitter.com/gUnMylrtHE
— Noel Mooney (@NoelMooney13) January 9, 2023
Dywedodd y cyn-bêl-droediwr John Hartson mai Bale ydy "chwaraewr gorau Cymru erioed, ac mae hynny'n dweud rywbeth o ystyried y mawrion eraill rydym ni wedi eu gweld. Atgofion hudolus, goliau anhygoel, talent unigryw, a Chymro balch."
🏴 VIVA GARETH BALE #DiolchBale ♥️ pic.twitter.com/Y0ho5VqS1k
— Wales 🏴 (@Cymru) January 9, 2023
Yn ôl arweinydd Plaid Cymru, Adam Price, "does dim geiriau i ddisgrifio ei gyfraniad i Bêl-droed Cymru, ac i Hyder Cymru.
"Diolch o galon am yr atgofion helaeth Gareth, mae dy yrfa wedi ysbrydoli cenedl gyfan."
Diolch o galon am bopeth Gareth. You made our dreams come true 🏴. Forever grateful #DiolchBale https://t.co/XBHmkxoWo6
— Laura McAllister 🌻 🏴 (@LauraMcAllister) January 9, 2023