Newyddion S4C

Tywydd garw

Rhybudd melyn am law i ran helaeth o'r wlad

NS4C 10/01/2023

Mae rhybudd melyn am law wedi ei gyhoeddi ar gyfer rhan helaeth o Gymru ddydd Mawrth.

Dywedodd y Swyddfa Dywydd y bydd y glaw trymaf ar dir uchel, gyda hyd at 80-100mm yn debygol o syrthio mewn rhannau o Eryri.

Mae'r rhybudd yn golygu bod llifogydd yn debygol a gallai gwasanaethau trafnidiaeth gyhoeddus a theithiau ceir gael eu hoedi gan gyflwr y ffyrdd.

Fe ddaeth y rhybudd i rym am 6:00 fore Mawrth ac fe fydd yn parhau tan 20:00 nos Fawrth.

Mae 16 o siroedd wedi eu heffeithio gan y rhybudd melyn, sef:

  • Abertawe
  • Blaenau Gwent
  • Caerffili
  • Castell-nedd Port Talbot
  • Ceredigion
  • Conwy
  • Gwynedd
  • Merthyr Tudful
  • Pen-y-bont ar Ogwr
  • Powys
  • Rhondda Cynon Taf
  • Sir Ddinbych
  • Sir Fynwy
  • Sir Gaerfyrddin
  • Torfaen
  • Wrecsam

This website uses cookies to ensure you get the best experience on our website.