Fe fydd Wrecsam yn chwarae yn erbyn Sheffield United ym mhedwaredd rownd Cwpan yr FA.

Bydd y gêm yn cael ei chwarae yn y Cae Ras rhwng 27 a 30 Ionawr.

Roedd buddugoliaeth o 4-3 yn erbyn Coventry oddi cartref yn ddigon i sicrhau eu lle yn y rownd nesaf.

Ond bydd yn rhaid i Abertawe a Chaerdydd aros i ddarganfod eu tynged gyda'r ddau dîm yn gyfartal yn eu gemau.

1-1 oedd y sgôr yn y gêm rhwng Abertawe a Bristol City, tra bo cic gosb yn ystod amser ychwanegol yn ddigon i rwystro Caerdydd rhag buddugoliaeth yn erbyn Leeds (2-2).

Bydd y ddau yn mynd ati i ail-chwarae eu gemau yn y dyddiau nesaf.

Os yw Caerdydd yn ennill byddan nhw'n wynebu Boreham Wood neu Accrington Stanley oddi cartref.

Pe bai Abertawe yn llwyddo i sicrhau buddugoliaeth, byddan nhw'n chwarae yn erbyn Chesterfield neu West Bromwich Albion adref.

Llun: CPD Wrecsam