Mae'r cyflwynydd Jason Mohammad wedi dweud ei bod hi'n anrhydedd iddo gyflwyno cyfres Heno am y tro cyntaf.

Fe gyflwynodd ei bennod gyntaf ar S4C nos Wener gan ei disgrifio fel rhaglen y mae "wastad wedi gwylio a'i hedmygu".

Ddechrau mis Tachwedd cafodd Jason Mohammad ei gyhoeddi fel "Llysgennad" i S4C.

Dywedodd ei fod yn gobeithio y bydd ei daith yn annog eraill i ddysgu'r Gymraeg gan ei fod yntau wedi dysgu ac yna cwblhau ei radd yn y Gymraeg.

Newydd cyflwyno @HenoS4C am y tro cyntaf 🤗

2️⃣0️⃣2️⃣3️⃣ pic.twitter.com/pcHl9ZHG3W

— Melanie Carmen Owen (@MelanieCarmen_) January 5, 2023

Nid Jason yw'r unig gyflwynydd newydd ar y gyfres, nos Iau fe gyflwynodd Melanie Owen Heno am y tro cyntaf.

Mae disgwyl i Jason Mohammad gyflwyno'i bennod nesaf o Heno nos Wener nesaf am 19:00 ar S4C.