Mae'r cyn-Bab Bened XVI wedi marw yn 95 oed.

Fe ymddeolodd yn 2013 - arweinydd cyntaf yr Eglwys Gatholig i wneud hynny mewn 600 mlynedd.

Bu farw am 9:34 fore dydd Sadwrn ym Mynachdy Mater Ecclesiae yn y Fatican.

Cafodd ei ethol yn 2005 a phan ymddeolodd fe ddywedodd y byddai'n parhau i wasanaethu'r eglwys.

Ar y pryd, roedd yr Eglwys Gatholig yn wynebu pwysau i wneud mwy i ymchwilio i honiadau o gamdriniaeth.

Roedd yn fab i heddwas ac fe wnaeth fyw dan reolaeth y Natsïaid pan oedd yn blentyn.

Y Pab Bened oedd yr Almaenwr cyntaf i gael ei ethol yn Bab mewn 1,000 o flynyddoedd.

Roedd Pab Ffransis wedi gofyn i bobl weddïo dros y cyn-Bab oedd yn "sâl iawn" yn ystod yr wythnosau diwethaf.

I am saddened to learn of the death of Pope Emeritus Benedict XVI.

He was a great theologian whose UK visit in 2010 was an historic moment for both Catholics and non-Catholics throughout our country.

My thoughts are with Catholic people in the UK and around the world today.

— Rishi Sunak (@RishiSunak) December 31, 2022

Mae Prif Weinidog y DU, Rishi Sunak, wedi dweud ei fod wedi ei dristáu i glywed am farwolaeth y cyn-Bab a bod ei ymweliad â'r DU yn 2010 yn foment "hanesyddol".

O fore dydd Llun, bydd corff y Pab Emeritws Bened yn Basilica Sant Pedr fel bod y "ffyddlon" yn gallu dweud ffarwel.

Llun: PA